Maliana, 15 de setembro de 2025 Paroquia St. Cruz Maliana celebra nia aniversario ba dala 51. Celebração Aniversario ho Eucaristia Santa nebe preside hosi Pe. Lúcio Norberto de Deus, Vigário Geral Diocese de Maliana. Participa iha celebração ida nee, padres sira nebe serviço no tulun iha paroquia Maliana. Participa mos madres sira nebe halo apostolado iha paroquia Maliana, autoridades municipal Bobonaro, comandantes PNTL município Bobonaro, estudantes hosi escola sira iha Maliana laran, inclui mos estudantes hosi Colégio Maliana, no sarani sira hosi capelas nebe pertence ba Paroquia Maliana.
Iha mensagem ba sarani sira, Pe. Lúcio Norberto de Deus, vigário Geral Diocese de Maliana, husu ba sarani paroquia St. Cruz Maliana atu iha devoção nebe boot ba St. Cruz. Tuir padre Vigário Geral, Padre Santana, wainhira halo Igreja Paroquial Maliana, hanoin ona konaba devoção ida ba St. Cruz nebe clean ho nia desenho sira. Igreja paroquial nee halo kedan ho nia ligação ba Gruta Mater Dolorosa no Cruz Boot iha Lahomea. Padre Vigário Geral husu ba sarani paroquia St. Cruz Maliana atu bele haburas devoção ba St. Cruz atu bele sai hanesan cultura no identidade Paroquia St. Cruz Maliana nian.
Depois de Missa, participantes sira ba halibur hamutuk iha salão hodi continua ho almoço confraternização. Molok almoço, hahu uluk ho atividade distribui prémios ba manan sira nebe participa iha competição. Modalidades competição nebe halao hodi comemora aniversario mak haneasn coro, voly ball feto no le Bíblia.
Almoço hahu ho koa kek no loke champanhe hosi padres, madres no autoridades sira nebe presente. Almoço nee prepara hosi sarani sira rasik hosi paroquia maliana. Depois de almoço continua ho dahur hamutuk.
# Media Colégio Maliana
Leave a Reply