Colégio Maliana, 20 Outubro 2025
Estudante sira iha nivel final Eskola Sekundaria Geral no tekniko vokasional ohin hahu halo Exame Nasional iha eskola sira hotu iha teritóriu Timor-Leste. Prosesu hahu ho ambiente ne’ebe estudante sira senti laran taridu, Estudante sira hein momentu ida ne’e ba validasaun esforsu hotu iha tinan tolu nia laran durante sira nia prosesu aprende iha nível Sekundáriu.
Diretor Eskola Colégio Maliana, Pe. Norberto da Conceição Soares dehan katak “Loron ida ohin la’os deit loron nebe imi atu hasoru exame nacional maibe liliu imi idaidak sei hasoru imi nia an rasik, hasoru imi nia coragem, hasoru imi nia disciplina, hasoru imi nia onestidade. Exame nacional la’os kestaun formula no teoria maibe oinsa imi hatudu imi nia coragem, hatudu imi nia discipilna no onestidade iha imi nia moris”
Exame Nacional sei kontinua durante loron tolu no sei kontinua ho Exame Lokal durante loron tolu, no Ministeriu Edukasaun servisu hamutuk ho professores iha eskola hotu atu dezenvolve sistema monitorizasaun atu garante prosesu lao ho integridade no transparénsia.
By-Selvi Media Colégio Maliana
Leave a Reply