Hauba, 04 de Setembro de 2025– Atividade Live-in ba estudante sira hala’o iha suku Tebabui no Maliubu, Postu Administrativo Bobonaro, Municipio Bobonaro. Atividade ne’e hala’o ho objetivu atu fó esperiénsia direto ba estudante sira kona-ba moris comunidade nian. Estudnates sira ko’alia ho labarik, jovem, ferik no katuas sira, no aprende liu husi kultura no susar sira ne’ebé komunidade hasoru iha loron-loron.
Estudantes sira too mai, simu ho di’ak tebes husi chefe suku hamutuk ho komunidade, espesiálmente husi no inan aman sira nebe estudantes sira sei bah ela iha sira nia uma. Chefe suku Tebabui, Sr. Agostinho Soares Maia, hatete, “Ami kontente tamba estudante sira mai aprende moris ho ami. Ami hakarak estudante sira bele hetan no kompriende moris komunidade nian.”
Estudante sira simu ho domin no kontente. Estudante Xanestasia Lay, hateten, “Wainhira atum ai, hau senti ta’uk tanba antes ne’e hau seidauk hasoru situasaun hanesan ne’e. Maibé depois hau komesa senti konfiansa no aprende buat barak.”
Lokraik estudante sira ba familia sira hala’o sira nia atividade ho familia sira durante loron 3. Durante atividade ne’e, estudante sira halo buat barak hanesan: Halo servisu komunidade hanesan limpeza, ajuda familia sira, no fó ensinu basicu ba labarik sira ne’ebe sira hela ba. Estudantes sira mos sei entrevista familia sira kona-ba istória no moris tradisionál. Sira mos sei aprende lian lokal no kultura hanesan dansa tradisional, lia mate ho lia moris no hahán tradisional sira.
Atividade ne’e hala’o durante loron 3, ho final atu fó aprezentasaun publiku kona-ba buat sira ne’ebé sira aprende. Chefe suku no komunidade sira hatudu sira nia kontente ho ami nia prezensa.
Chefe Suku hateten:“Hau hanoin atividade ne’e importante tebes tanba fó esperiénsia real ba estudante sira. Sira aprende respeitu no moris simples.
Estudante sira nia impresaun mak: atividade ne’e sai hanesan surpreza ho moris komunidade ne’ebé simple, Kontente ho akontesimentu foun no apresia tebes ho valor solidariedade iha komunidade.
“Live-in” iha Hauba mak parte husi programa edukativu atu aumenta konhésimentu, empatia no lideransa ba estudante sira nian iha futuru.
#Selvi – Media Colégio Maliana
Leave a Reply