Balibó, 14 Outubru 2025 – Jornalista sira husi rádio komunidade sira iha Timor-Leste halibur hamutuk iha Balibó atu partilha esperiénsia no aprende kona-ba utilizasaun plataforma website hodi reforsa kapasidade komunikasaun digital no promosaun programa rádio komunidade. No iha ne’e inklui mos Professores rua husi Colégio Maliana no Professores rua husi Eskola Dom Martinho Maliana
Atividade ida ne’e fó oportunidade ba participante sira atu hatene liu tan kona-ba importánsia website hanesan meiu atu disemina informasaun, aumenta partisipasaun komunidade, no promové transparencia iha nivel lokal.
Representante husi Sekretariadu Estadu Komunikasaun Sosial hatete katak, “Inisiativa hanesan ne’e importante tebes tanba ajuda jornalista komunidade sira atu akompaña tempu digital no bele uza plataforma online atu kontinua halo servisu informativu ba povu.”
Iha parte seluk, Administrador Postu Balibó mos fó parabéns ba organizadór sira, hatete katak, “Interkámbiu hanesan ne’e la’ós deit aumenta kapasidade teknika, maibé mos hametin solidariedade entre media komunidade sira atu servisu hamutuk ba dezenvolvimentu lokal.”
Atividade interkámbiu ida ne’e mak prova deit katak média komunidade iha papel importante iha promosaun edukasaun, unifikasaun, no dezenvolvimentu Timor-Leste.
By-Selvi Media Colégio
Leave a Reply