Holy Nathania Nunes no Fabiano de Jesus Martins Eleito ba Miss and Mister Colégio Maliana 2025.

Colégio Maliana 24 de setembro 2025.

Competição hodi hili Miss and Mister Colégio Maliana 2025 termina hodi nomeia Holy Nathania Nunes no Fabiano de Jesus Martins hanesan Miss no Mister Colégio Maliana 2025. Competição ne’e halo hanesan parte ida hosi celebração 77 Anos Colégio Maliana.

Holy Nathania Nunes, Miss Colégio Maliana 2025 hateten katak  nia contente bele sai hanesan vencedor ba competição ida nee. Nia hato’o: agradece boot ba Direção Colégio Maliana, Professores hotu, no equipa de juri ne’ebe hili ona nia sai hanesan Miss Colégio Maliana. “Ha’u mos agradese ba ha’u nia kolega sira ne’ebé sempre apoio ha’u iha kompetisaun ida ne’e. Tamba imi nia apoio no konfiansa, ha’u bele hatudu parte ida husi ha’u nia kapasidade. Agradese barak tamba Colégio Maliana halo momentu ida ne’e hanesan esperiensia ida ne’ebé valorozu iha ha’u nia moris:”.  

Mister Colégio Maliana 2025, la imagina katak nia mak atu eleto ba Mister Colégio Maliana. Fabiano de Jesus Martins, Mister Colégio Maliana 2025 hatete katak: “ida ne’e supreza boot ba ha’u, no mos momentu ida ne’ebé valorozu tebes iha ha’u nia vida escolar. Ha’u hakarak hato’o ha’u nia agradesimentu boot ba Direção Colégio Maliana, professores hotu no belun estudante hotu ne’ebé fo oportunidade no konfiansa ba ha’u. Tamba ita boot sira nia sutensia no motivasaun, ha’u bele hato’o parte ida husi kapasidade no konfiansa an”.Agradese ba Equipa de Juri sira ne’ebé lidera competição ne’e mak Sra. Laura, Sra. Janora no Sr. Basilio. Iha sira nia decisão no mensagem ikus ba manan nain sira, Juri sira hameno ba manan nain sira, atu bele lori ou representa didiak escola iha publico nia oin.

Molok tama ba fase Final nebe halo iha dia 23 de setembro kalan, concorrentes sira participa uluk iha fase eleminicao nebe halao iha dia 22 de setembro kalan. Participantes ou concorrentes sira mai hosi representante cada classe sira hotu iha Colégio Infante de Sagres Maliana. Total concorrentes iha 32 pessoas iha fase eliminação. Iha kalan eliminação, júri hili 20 pessoas mak tama ba fase final.