Maliana, 18 Dezembro 2025
Escola Colégio Infante de Sagres Maliana halo serimonia graduasaun ba finalista sira ho susesu no laran kontente iha loron ida ohin. Iha seremonia ne’e, escola orgulho tebes tamba finalista sira hetan prestasaun extraordinária iha nivel nacional no nivel municipal.
Iha nivel nacional, estudante ho naran Donluxe Martins Ribeiro konsegue hetan Primeiro Lugar iha Departamento Ciencia Socias (CSH), ne’ebe hatudu katak estudante sira iha kualidade aas, disciplina no esforsu boot iha prosesu aprendizajem. Prestasaun ida ne’e sai hanesan prova katak Colégio Infante de Sagres Maliana iha kapasidade atu konkore ho escola sira seluk iha rai laran tomak.
La’os deit iha nivel nacional, maibe mos iha nivel municipal (Segundu lugar nivel municipal), estudante nain rua ho naran Melquiano Xavier da Silva Costa no Sabino Pereira Quintão husi Departamento Ciencia Tecnologia (CT) hetan prestasaun diak, ne’ebe lori naran diak ba eskola no ba komunidade Maliana.
Diretor no Professores hatudu apresiasaun boot ba estudante sira ne’ebe esforsu makas durante tempu eskola. Sira mos hein katak graduadu sira sei kontinua estudu no kontribui ba dezenvolvimento rai Timor-Leste iha futuru.
Graduasaun no prestasaun ne’e sai hanesan motivasaun ba estudante seluk atu kontinua estudu ho seriedade, disciplina no espiritu kompetisaun di’ak.
By-Selvi Media Colégio Maliana
Leave a Reply