Colégio Maliana, 23 Outubro 2025 — Loron dahaat, estudante finalista sira kontinua hala’o Exame Nasional tuir kalendáriu edukasaun tinan letivu 2025. Exame iha loron ne’e mak kontinuidade hosi prosesu avaliasaun akademika importante atu prepara estudante sira ba dalan edukasaun Ensino Superior no determina rezultadu finalista nian.
Prosesu exame hala’o hanesan loron antes, ho seguru no monitorizasaun rigorozu husi komisaun invigilador, atu garante integridade no disciplina iha sala exame. Eskola kontínua fó orientasaun ba estudante sira kona-ba pontualidade, silêncio, no regra teknika sira ne’ebé tenke respeita durante exame.
Estudante sira sente cansadu tanba loron refere, maibé motivasaun no preparasaun antes ajuda sira atu kontinua ho konfiansa to’o remata ba exame nasional ida ne’e. Estudante balun mos fó komentáriu katak difikuldade iha materi balun, maibé dehan nia esperansa atu hetan rezultadu di’ak.
Exame Nasional sei kontinua nafatin tuir programa, no rezultadu sei sai referénsia ba estudante finalista sira atu kontinua ba universidáde, formasaun profesional, ka aplika ba programa bolsu estudu iha futuru.
By-Selvi Media Colégio Maliana
Leave a Reply