Maliana, 09 de Setembro 2025 – Estudante 12.º ano geral husi Colégio Maliana partisipa iha Feira Kareira no Edukasaun ne’ebé organiza husi Secretario de Estado da Formação Profissional e Emprego (SEFOPE).
Objetivu husi “Feira Kareira no Edukasaun” mak atu fó oportunidade ba estudante sira hodi hetan informasaun kona ba kareira professional, bolsa estudu, kursu ka formasaun sira ne’ebé disponivel, atu sira bele komprende wainhira remata estudu iha nivel sekundáriu saida mak sira bele halo.
Secretário de Estado da Formação Profissional e Emprego (SEFOPE) Sr. Rogério Araújo Mendonça L.Ed, iha diskursu ba abertura Feira ne’e haktuir, agradese ba parte hotu, Professores no estudantes sira ne’ebe partisipa iha feira ne’e hanesan parte importante hodi prepara estudante sira ba futuru, tamba sira sei hahu ho dezenvolvimentu profesional no edukativu, motiva mos estudante sira atu aproveita oportunidade ida ne’e, aprende, husu no prepara an, tamba Feira Kareira no Edukasaun mak espasu ida hodi estudante sira hetan informasaun kona ba bolsu estudu husi FDCH, sentru formasaun no instituisaun tekniku sira seluk. Involve mos instituisaun edukativu, sentru formasaun no parceiro sira seluk, hodi ajuda estudante atu kompriende opsaun edukasaun no kareira sira ne’ebé disponivel iha Timor-Leste.
Estudante sira mos senti kontente tamba bele hetan informasaun kona ba Bolsu estudu FDCH nian, formasaun, no empregu ne’ebé bele ajuda orienta sira nia dalan ba futuro ne’ebe diak atu sira bele hili.
Partisipantes ba Feira kareira no edukasaun ne’e mos mai hosi eskola sekundáriu geral sira seluk iha Munisipiu Bobonaro, ho esperansa katak estudante sira sei prepara an di’ak atu hasoru iha merkadu traballu.
Leave a Reply