Hauba, 5 de Setembro 2025 – Estudante Colégio Maliana continua Live-in iha Suku Mali Ubu no Teba Bui. Live In ida ne’e parte husi atividade atu estudantes sira bele sente no moris hamutuk ho komunidade sira. Moris no lao tuir komunidade nia ritmo moris nian. Entre atividade komunidade nian nee, atividade ida nebe importante mak bazar ou mercado iha loron sexta.
Ohin loron sexta, loron bazar merkadu Hauba nian. Iha bazar ida nee, vendedores no kompradores sira mai husi aldeia ne’ebe pertense ba suku Mali Ubu no Teba Bui, Kolimau no mos vendedores balun husi Maliana no fatin seluk hodi faan sasan oioin. Sasan sira ne’ebe faan mak hanesan Roupa, produto local, modo oioin, tais , no sasan sira seluk ne’ebé importante ba nesesidade loro-loron nian ba komunidade sira. Estudante sira mos partisipa iha bazar ne’e atu aprende kona ba ekonomia moris familia nian, no mos atu komunika ho komunidade sira.
Estudante barak mak ho sira nia familia mai merkadu sosa modo, no mos balun tulun inan aman sira faan sasan. Balun faa pulsa , ai han lokal no mos modo.
Agustinho Transfirugação nudar estudante haktuir katak, sira sai husi uma mais ou menus tuku 5:45 iha dader ho sira nia familia lori produto lokal hanesan batar, fore, fore rai, koto, no liis hodi mai faan atu bele hetan osan ba sosa nesesidade uma laran nian. Nia senti kontenti ho oportunidade ida nee atu hatene liu tan kona ba moris komunidade iha Suku Mali Ubu.
Estudante, Flora Donato, hatete katak, “sira senti kontente tebes bele mai merkadu lao ain husi Teba Bui ho sira nia familia hodi sosa modo no nesesidade sira seluk iha merkadu Hauba.
# Aida – Equipa Media Colegio Maliana
Leave a Reply