Hauba, 06 de Setembro de 2025
Loron Datoluk ou loron ikus ho familia sira. Loron ida ne’e estudante sira husik sira nia familia iha Hauba. Molok ba halibur hamutuk iha sede suku Maliubu, antes de sai husi uma sira halo despedida ho familia.
Iha parte dader sira hamutuk ho familia hodi ko’alia hamutuk, iha meudia sira han hamutuk ho sira nia inan-aman no familia molok atu sai. Kondisaun emosional kahur malu. Estudante balu mos senti triste tamba tenke fahe malu ho familia, maibe sira mos kontente tamba hetan oportunidade aprende liu tan hamutuk ho familia sira.
Molok husik sira nia oan nebe hela hamutuk ho sira, familia balun fo mensagem ba sira, atu Estuda ho didiak, respeitu ba ema hotu, labele haluha familia sira iha ne’e. Mensagem sira ne’e halo estudante sira senti motivadu no forte liu ba enfrenta buat foun ne’ebé mak sei mai.
Depois de despedida iha uma-uma hotu tiha, estudante sira hotu ba hamutuk iha Centru Maliubu atu halo preparasaun ba Noite Apresentacao no Divertimento. Sira ne’ebé hela iha Tebabui familia balun lori sira to’o iha Centru Maliubu. Loron ne’e mak rai buat bo’ot ida iha memoria estudante sira, tamba iha mistura sentiment susar hodi fahe malu ho familia, maibe mos kontente tamba hetan buat foun ne’ebé prepara ba futuro.
# Selvi- Equipa Media Colegio Maliana
Leave a Reply