Maliana, 10 Dezembro 2025 — Colégio Maliana halo atividades Class Meeting espesial ho tema Dansa Kultura, ho objetivu atu promove no hadia kónhesimentu estudante sira kona-ba diversidade kultura Timor-Leste no valor tradisaun lokal sira.
Atividade ida ne’e hala’o iha pátio eskola nian no partisipa husi profesór sira, estudante husi klase 10 ano e 11 ano. Liuhosi apresentasaun, diskusaun no pratika kulturál simples, estudante sira aprende kona-ba tradisaun, folclore, danças, hanesan mos importância atu preserva identidade Timorense.
Equipa de Juri hatete katak Class Meeting kona-ba Dansa Kultura mak sai plataforma importante atu fó oportunidade ba estudante sira hodi hatene liu tan kona-ba kultura rai-na’in no kultura sira seluk.
“Objetivu seluk mak atu haturu estudante sira katak kultura mak identidade, no fó motivasaun ba sira atu kontinua respeita, aprende no proteje kostum antigo sira.”
Estudante sira mos hatudu kontente, tanba atividade ne’e loke espasu ba interasaun social no fó oportunidade atu hatudu habilidade kultura hanesan tebedai, dansa kultura, no apresentasaun kreativu seluk.
Colégio Maliana sei kontinua implementa atividades edukativu kulturál hanesan parte programa escola atu halo estudante sira sai gerasaun foun ne’ebé iha líderansa, valorizadu no atenta ba patrimóniu kulturál Timor-Leste.
By-Selvi Media Colégio Maliana
Leave a Reply