Hosi Lugululi, Maliana hau hakarak hatoo buat hirak hanesan tuir mai nee:
- Ohin dia 13 de outubro 2025. Mak loron nebe Colégio Maliana celebra lolos nia loron 77 anos. 77 anos nee conta hosi dia 13 de outubro de 1948, loron nebe Pe. Martinho da Costa Lopes, hamutuk ho Estudantes sira muda hosi Bobonaro mai Maliana.
- Evento 77 anos nian celebra hotu ona. Atividade celebração sira mak: Dia 11 de outubro ho Missa agradecimento nebe preside hosi Bispo Maliana, continua ho jantar confraternização no concerto musica iha kalan.
- Horseik dia 12 de outubro de 2025, família boot Colégio Maliana celebra nia 75 anos Colégio Maliana ih arai Lugululi. Iha dia 12 de outubro 1950 mak Professores no estudantes sira, muda definitivamente hosi Maliana mai Lugululi. Atu comemora loron ida nee, família boot Colégio Maliana lao tuir hikas fila fali dalan nebe pioneiros sira lao, hahu hosi sede suco Lahomea Maliana mai too Lugululi. Atu celebra evento ida nee, contunia kedan ho concerto hosi banda sira.
- Ohin mos ita hanoin hikas dia 13 de outubro 1917, loron ida nebe Nain Feto mosu ba dala ikus iha Fátima, hodi husu ba sarani sira hotu atu reza Rosário no halo conversão.
- Iha lokraik ida nee, ami sei Missa iha Gruta Lugululi. Intenção missa ida nee mak atu agradece ba graça 77 anos Colégio Maliana. Agradece ba Nain Feto nia mensagem no mos husu proteção liu hosi Nain Feto.
- Hahu aban dia 14 de outubro de 2025, estudantes decimo ano no decimo primeiro ano, sei fila ba uma hodi estuda. Inan aman sira bele mai foti sira iha dader, depois de matabicho.
- Estudantes decimo segundo ano, hahu sira nia loron sira hakmatek molok ba tama exame nacional iha semana oin.
- Semana oin, dia 20 de outubro de 2025, sei hahu exame final ba decimo ano sira. Husu inan aman sira nia apoio oração iha momento ida nee.
- Liu tiha exame finais, sei continua kedan ho Formação Finalista.
- Estudantes sira nebe fila ba uma, sei tama hikas mai Colégio iha dia 3 de novembro de 2025. Molok han meudia, hothotu iha ona Colégio.
Obrigado barak,
Inan Ramelau Lugululi sei bali no tane ita hotu.
Ho bênção
Colegio Maliana 13 de outubro de 2025
Pe. Norberto Soares
Leave a Reply