Hauba, 07 de Setembro de 2025
Iha Domingo dader, Estudantes Colegio Maliana nebe live-in hela iha Hauba, hamutuk ho Comundiades sira lao ba Capela Provisorio iha Raemege atu participa iha missa dominical. Missa ne’ebé realiza iha Kapela ne’ebé pertense comunidade Hauba Complex. Missa hahu tuku 08:30 no preside husi Pe. Ernesto Barreto, paroco Parokia Bobonaro.
Selebrasaun Eukaristia animadu tebes ho koru husi estudante Colégio Maliana. Iha Pe. Ernesto Barreto nia homilia hato’o agradece ba Pe. Norberto da Conceição Soares hanesan Diretor Geral iha Colegio Maliana ne’ebé durante loron 4 iha Estação Missionario Hauba ne’ebé sai alvo ba programa Live-in. Pe. Ernesto Barreto hatete katak: “imi mai atu aprende no haré direita realidade hodi projeta ona ba futuru nação no creda nian. Ita nia viagem edukasaun la’os de’it halibur kolega, maibe mos halibur atu reza no fo testemunha katak ita nia identidade katoliku”.
Iha parte final, Diretor Geral Colégio Maliana Pe. Norberto da Conceição Soares, hola opurtunidade hodi conta historia konaba Colegio Maliana nia existencia nebe liu ona tinan 75. Padre Diretor, aproveita tempo hodi fo parabens ba Paroco, Vigario Paroquial no Sarani Bobonaro nebe ho succeso hala’o ona evento boot, Cruz Jovem Nacional no Internacional iha Paroquia Bobonaro. Diretor Colegio fo agradece ba Nai Chefe de Suco hosi Maliubu no mos Tebabui no comunidade hotu nebe organiza hodi simu ona estudantes sira durante sira nia live-in. Agradece ba laran diak, desculpa ba sala sira, no husu atu reza nafatin ba estudantes sira. Diretor mos hato’o katak, comunidade Hauba tenque haksolok tamba ami bele hili comunidade ida nee hanesan fontes atu estudantes sira bele apriende konaba moris no realidade comunidade nian.
Missa remata, estudante sira hamutuk ho inan-aman balun hetan tempu atu partilha sentimento. Inan-aman balu hatete: “Maske ami triste tamba tenki fo fila sira ba sira nia fatin, maibe iha parte balu ami kontente tamba sira tenki prepara sira nia an ba future atu sai leader ida ne’ebé mak di’ak, ne’ebé sira tenki fila duni ba sira nia fatin”
Estudante sira mos hatete: “Ami sei la haluha momentu hirak ne’ebe ami hela ho Familia sira iha ne’e, ita nia missa hamutuk tamba liu husi buat hirak ne’e mak fo forsa ba ami atu kontinua la’o ba oin”
Depois missa inan-aman ho oan sira fila hamuutuk. Iha dalan sira sei konversa, mosu unidade ka amizade boot ho kolega sira iha neba, hanesan prova katak “Live in” la’os deit esperiensia akademika maibe mos esperiensia fraternidade no soliedariedade.
# Selvi – Equipa Media Colegio Maliana
Leave a Reply