Colégio Maliana, 4 de setembro de 2025, Estudantes Decimo Primeiro Ano Colégio Infante de Sagres Maliana hahu programa live-in iha Hauba. Suco rua nebe sei simu estudantes sira mak suco Maliubu no suco Tebabui, iha Hauba Bobonaro. Participantes hosi programa ida nee, estudantes 114 pessoas, nebe composto hosi feto 61 no mane 53. Acompanha ho professores nain 12. Programa nee hahu hosi dia 4 no sei termina iha dia 7 de setembro 2025.
Programa ida nee, hanesan programa anual Colégio Infante de Sagres Maliana nian atu celebra loron 30 de agosto hamutuk ho comunidade sira. Iha sorin seluk, Live-in ida nee rasik, sei fo biban ba estudantes sira atu bele koko moris comunidade nian, nunee sira mos bele sente ema seluk iha fatin seluk nia moris.
Live-in hahu ho programa husik (pelep[asan) estudantes sira iha areador Colégio Maliana. Diretor Colégio Maliana hamutuk ho professores sira husik no haruka estudantes sira. Diretor Colégio Infante de Sagres Maliana iha nia mensagem ba Estudantes sira, hameno ba estudantes sira atu sai mensageiro no lori imagem Colégio nian iha comunidade sira nia let. Diretor mos husu atu estudantes sira ba moris no koko comunidade nia moris. Apreende hosi comunidade nia moris. lição ida nebe sei lori ba moris tomak.
Hanesan informação deit, iha tinan kotuk, live-in halo iha Sucu Daudo no Guenulai, Cailaco. Hanesan programa tinan kotuk nian, tinan ida nee mos, iha loron ikus programa Live-in, equipa drumband hosi Colégio Infante de Sagres Maliana sei ba no anima mos comunidade sira iha Hauba.
#Equipa Media
Leave a Reply