1. St. MARIA GORETTI – 6 de Julho
Virgem no Martírio 1890-1902
Santa patrona ba klosan sira (liu-liu ba feto oan sira), vítima abuso sexual no kiak sira.
Invoca ba graça laran luak no perdão.
Canoniza hosi Papa Piu XII iha 24 de junho 1950.
Iha nia testemunha heroica santa Le Ferrire, nia perdua ba mane ida nebe oho nia, no nia hakarak atu bele hasoru malu ho nia loron ida iha lalehan, merece atenção especial. Mensagem espiritual no social ida nee sai relevante tebtebs iha ita nia tempo… Santa nee nia mãe, hosi nia sorin, perdua mane nee lori família nia naran iha sala tribunal. Ita la lahatene los, ida nee nia mãe mak hanorin nia oan feto perdua ou martírio nee nia perdão iha ninia toba fatin besik atu mate nee mak conduta ninia mãe nia ação. Buat nebe claro katak, espírito perdua malu nee mak motiva relação iha família Goreti nia laran tomak, no ho rasão ida nee mak buat nee expressa naturalmente sai hosi martírio no nia inan, ~ São João Paulo II
Maria Goretti moris iha kiak nia laran iha Corinaldo, Itália. Nia oan ba dala tolu hosi oan nain hitu, nia família no belun sira bolu nia ho naran estimado Marieta. Tambá nia família nebe kiak, Maria labele ba escola. Nia gasta nia tempo barak iha nia família nia uma deit, hare serviço uma laran nian no hamatan ba nia alin sira. Nia aman iha toos, maibe lakon tiha wainhira Maria foin mak tinan lima. Nia aman serviço ba ema seluk hanesan toos atan, Maria nia aman bele sustenta nia família ba han no hemu, maibe wainhira Maria halo tinan 9, nia aman mate tambá malaria. Atu bele hamatan ba nia oan nain hitu, Maria nia inan, Assunta hahu serviço iha toos, nunee maria nia responsabilidade no knaar iha uma aumenta. Maria la participa iha escola formal la hatene hakerek no le, maibe Maria iha fi ar nebe klean. Família sofre makas tamba sira nia pobreza no lakon sira nia aman, maibe ida nee la hamenus ninia fi ar; hetok aumenta tan nia fi ar. Wainhira nia mãe hahu lakon esperança iha sira nia difi culdades laran, Maria baibain dehan “Mãe, fuan boot, Maromak sei tulun ita.” Maria tau néon metin katak nia papa sei livre sai hosi ahi purgatório nebe lori nia ba vida oração ida nebe constante (beibeik), particularmente Rosário.
Wainhira Senhor Goreti lakon nia toos, família Goreti muda ba hela hamutuk ho família Serenelli. Senhor Serenelli ho nia oan mane Alessandro. Alessandro nia inan sofre moras mental no mate wainhira nia sei kiik. Alessandro nia maun mos sofre moras mental hanesan sira nia inan, no sira nia aman alcoólica. Hanesan resultado, Alessandro jovem ida nee ho nia hahalok nebe ladiak no imoral.
Durante tinan 3, wainhira Maria nia família no família Sereneli nian hela hamutuk iha uma ida, Alessandro pelu menos koko halo assalto sexual dala tolu. Maria sempre lasimu (reseita) nia. Alessandro ameaça nia makas atu nia labele dehan ba ema ida, se lae nia sei oho Maria, tan nee Maria nonok deit. Wainhira Maria ho idade onze, Alessandro idade vinte, Alessandro hetan Maria mesak iha uma nebe sira hela hamutuk ba, hamatan hela nia alin feto ikun no suku hela faru ida, no nia inan no sira seluk serviço hela iha toos. Dala ida tan, Alessandro koko halo abuso sexual ida ba Maria, maibe Maria la simu nafatin. Ho besi kroat (hanesan savenda atu halo kuak buat ruma) nebe iha Alessandro nia liman, Alessandro ameaça atu oho Maria se nia lakohi simu. “Não, ida nee pecado! Maromak la hakarak ida nee” Maria hakilar. Maria halai ba odamatan, maibe Alessandro kaer nia no sona nia dala sanulu resin hat iha nia kakorok antes nia halai sai hosi uma. Wainhira Maria monu no ran fakar iha rai, ninia alin ikun hahu tanis, bolu nia mae nia atenção no mai atu buka hatene tuir. Hare tiha Maria nebe duir hela ho ran nakfakar iha rai, Maria nia mãe lori kedan Maria ba hospital, iha nebe Maria moris tan loron ida.
Iha Hospital, doutor nebe halo operação hakfodak tambá Maria sei augenta moris naruk ida nunee. Doutor nee halo operação imediato la ho anestética. Durante operação, Maria hader no doutor ida dehan ba nia nunee, “Maria, hanoin hau wainhira o iha paraíso”. Maria hatan, “diak, se mak hatene hosi itrua nee se mak atu ba uluk”. Doutor nee hatan fali ba nia, “O duni Maria,” ba ida nee Maria hatan, “Se nunee hau sei contente hodi hanoin o”. Antes nia hosik iis, Maria sei bele expressa nia perdão ba Alessandro, nia mos sei hatoo nia esperança katak nia hakarak hasoru malu ho Alessandro iha lalehan. Maria mos simu sacramento ikus. Iha nia kama mate fatin, nia haktuir ba chefe polícia katak Alessandro mak ataca nia, nia hatutan katak, “Hau perdua nia, no hau hakarak nia hamutuk ho hau iha lalehan”. Maria mate iha loron tuir mai fali.
Ho dalan oioin, Maria nia mate nebe brutal nee marka fali ninia moris foun ida ba nia. Nia família sofre makaas, maibe mos sira hetan inspiração hosi nia fi ar, laran luak no ação fo perdua. Iha nia nia funeral, ema barak mak dehan nunee, “Santa ida mate ona”. Devoção ba nia hahu kedan iha momento neba no naklekar no continua too ohin loron.
Tambá Alessandro sei jovem hela, nia simu castigo comarca tinan 30, laos moris tomak. Durante nia tinan sira uluk iha cadeia, Alessandro laran toos nafatin, renuncia atu arrepende. Mesmo que nia hatene katak Maria perdua ona nia, nia labele simu perdão nee, no la admite nia sala. La hatene hanusa, Bispo Giovanni Blandini hetan inspiração atu ba visita Alessandro iha comarca, buat sira hahu muda. Iha tempo sira neba mak Alessandro hetan mehi ida, nia hare Maria mai ba nia no fo ba nia aifunan lírio, símbolo laran mos nian (pureza). Wainhira Alessandro simu lírio hirak nee, lírio sira sunu nia liman no nakfilak tiha ba rai rahun. Alessandro hakerak carta ida ba Amubispo, hodi agradece ba nia visita, haktuir mos nia mehi nee no husu Amubispo nia oração. Iha tinan hirak be mai, Alessandro halo duni profunda conversão. Depois de hela iha cadeia durante tinan 27 nia laran, nia hetan liberdade.
Wainhira hetan ona liberdade, Alessandro ba kedan Maria nia ama nia uma, Assunta, no husu ninia perdão. “Hau nee se fali mak atu kaer metin buat nebe hau nia oan feto hakarak los atu fo” nia hatan ba pedido nee. Loron tuir mai, Alessandro ho Assunta ba tuir missa hamutuk, sira simu Comunhão Santa hanesan sira nee inan no oan.
Iha 24 de junho 1950, papa Piu XII canoniza Maria no refere nia hanesan “Santa Agnes ba seculo vinte”. Buat nebe fo tada liu mak, Maria nia mãe no nia maun alin – bin alin rasik nain 4 presente iha ninia canonização. Ida nebe fo tada liu mak, Alessandro mos presente iha neba. Santa Maria Goreti nia harohan (oração) serviço duni halo milagre laran luak, perdão no reconciliação. Alessandro sai irmão leigo franciscano ida, serviço hanesan toos atan too nia mate ho idade walunulu resin hitu.
Santa Maria Goreti nia moris nebe badak no nia mate nebe tragis apresenta mai ita laos deit tragedia. Haktuir mai ita konaba esperança, esperança katak mesmo sala nain nebe laran toos bele arrepende no bele salva. Dala barak ita nia mundo fo reagem nebe forte tebetes hasoru pecadores laos laran luak. Misericórdia (laran luak) mak virtude ida nebe define Santa Maria nia fuan, no jovem feto onze anos ida nee, tem que inspira ita atu bele ultrapassa ita nia laran hirus sira, moruk sira, sentimento sira hasrou pecadores. Husu atu jovem kiik ida nee bele inspira ita ho nia hahalok no exemplo.
Santa Maria Goreti, o nia fuan nebe nakonu ho laran sadia muda ona tragedia sai fali triunfante, o laos deit perdua ema nebe oho o, o mos converte nia ho o nia domin no harohan daet. Harohan daet mos ba hau ba, atu hau mos bele iha fuan sadia nain no bele perdua ema hotu nebe hakanek hau, buka deit salvação ba sira nia klamar.
2. Direção Colegio Sta. Maria Goretti
Vídeo ou foto konaba internato no facilidade sira