COLÉGIO MALIANA KONTINUA UZA SISTEMA EDUBOX BA EXAME PASSAGEM CLASSE BA 10 & 11 ANO

Colégio Maliana, 19 Novembro 2025 — Realiza Exame Passagem Classe ba estudante sira  ano Letivo 2025 nian. Exame  ne’e hala’o durante loron 17 to’o 22 Novembro no partisipantes  estudante  sira husi classe 10⁰  & 11⁰ Ano.

Escola kontinua hadia kualidade aprendizagem  no avaliasaun hodi uza plataforma digital Edubox, ne’ebe sai ona sistema oficial ba halo exame iha kada períodu. Sistema ida ne’e permite estudante sira halo prova teoria iha maneira digital, ho tempu  ne’ebe kontroladu no prosesu avaliasaun ne’ebe  mak transparente.

Sistema Edubox  iha Colegio Maliana uza Rede Lokal (LAN), ne’ebe garante koneksaun seguru  no estabilidade durante exame.  Iha prosesu exame iha sistema edubox  ida ne’e  estudante sira utiliza equipamentu hanesan MacBook, Laptop HP, Tablet no Telemovel hodi  responde ba perguntas sira ne’ebe  iha.

Estudante  sira  habitua ona ho sistema Edubox,  tanba sistema ida ne’e uza iha períodu avaliasaun no exame nian, hodi ajuda  estudante sira iha disciplina ba tempu no estrategia ba  teste iha plataforma digital.

Exame  ne’ebe iha sistema Edubox  uza  metodu tolu (3) mak hanesan:

1. Escolha Múltipla – Parte ida ne’e husi prova atu estudante  sira halo escolha ba resposta ida ne’ebe loos husi perguntas ne’ebe iha. Metodu ida ne’e fasilita  professor sira atu verifica estudante nia kompriensaun husi kontéudu teoria nian.
2. Espaço em Branco – Ida ne’e estudante sira tenke kompleta frase ne’ebe falta husi prova. Metodu ida ne’e ajuda estudante  hodi halo reflesaun no hatudu nia komprensaun liu husi kontéudu sira ne’ebe aprende ona.
3. Desenvolvimento / Essay – Parte ida ne’e estudante tenke halo resposta husi sira nia komprensaun kona ba perguntas ne’ebe fo iha exame. Metodu ida ne’e  tulun estudante sira  atu explika  tuir  ideia, no hatudu  habilidade  ba  domina iha materia ka disciplina.

Alem de exame  iha sistema Edubox, iha  mos exame pratika, ne’ebe prepara husi professor da disciplina sira rasik. Exame pratika ida ne’e fo oportunidade ba estudante  atu hatudu sira nia habilidade  tuir disciplina sira ne’ebe iha, hanesan: Tecnologia Multimedia,  Educação Física e Desporto & Arte e Música ba Classe 11⁰ ano sira.

Utilizasaun  Edubox iha kada períodu  nia objetivu  atu moderniza sistema edukativu no prepara estudante sira ba futuro ne’ebe presiza tecnologia.

By : Aida Media Colégio Maliana