Colégio Maliana, 10 Novembro 2025
Colégio Maliana hala’o cerimonia içar Bandeira iha patio eskola, hanesan parte husi atividade patriotiku semana ne’e. Ceremonia ne’e halo ho objetivo atu reforsa sentimento nasional no disciplina entre estudante sira.
Ceremonia ne’e komesa tuku 07:30 dader ho partisipasaun husi professores, estudantes no staff sira hotu.
Professora Maria Laura Henriques Soares ne’ebe mak sai hanesan inspectora principal iha ceremonia ne’e. Nia observa prosesu içar Bandeira ho atensaun boot tebes. Iha nia komentariu nia koalia konaba Igualdade Genero (Baze ba Justiça no Dezenvolvimento Social).
Professora Maria Laura Henriques Soares hateten katak “igualdade la significa feto atu as liu mane, mane mos atu as liu feto. Maibe nia significa ita atu servisu hamutuk, Ezemplo: Aprende hamutuk, servisu hamutuk, no respeita malu. Feto iha oportunidade nebe mínimo liu atu acesso ba educação formal, educação não formal no campo de trabalho compara ho mane, mesmo feto iha potencialidade nebe boot hodi contribui ba desenvolvimento país no povo doben Timor. Situação ida ne laos foin mak acontece, maibe desde uluk kedas, tanba kesi ho cultura patriarca, iha nebe mane mak iha direito ba qualquer herança ka rikusoin família nian do que feto”
Konkluzaun badak husi Professora Maria Laura Henriques Soares katak “ita hotu hotu, tenki komesa tane a’as igualdade gênero iha ita idak idak nia an. Liu hosi ação ki’ik sira hanesan respeita malu iha uma laran, iha escola, iha servisu fatin, no mos iha comunidade sira. Tamba se ita aprende respeita malu, há’u fiar katak Timor-Leste sei sai estado ida nebe avançado ho nia emar sira nebe moris iha prosperidade no progressivo liu”.
Iha Ceremonia ida ne’e responsável corpo içar bandeira no korru ba ceremonia ida ne’e husi estudante classe 10 ano CT geral.
By: Selvi Media Colegio Maliana
Leave a Reply